~¤¦¦§¦¦¤~منتدى فرفشة ~¤¦¦§¦¦¤~
مرحبا بكم في منتدى فرفشة
ونتشرف بحضوركم ونتمنى لكم اجمل الاوقات

~¤¦¦§¦¦¤~منتدى فرفشة ~¤¦¦§¦¦¤~


 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الوقت ليس في يدك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Đмxя Đǻмǻя
©°¨°عضو ذهبي°¨°©
avatar

المزاج :
دولتي : الاردن
الهواية : 1
وضيفتي :
عدد المساهمات : 1592
تاريخ التسجيل : 14/12/2009
العمر : 24

مُساهمةموضوع: الوقت ليس في يدك   الأحد 17 يناير 2010, 10:18 pm

[ندعوك للتسجيل في المنتدى أو التعريف بنفسك لمعاينة هذه الصورة]


مش عيب عليك؟؟

لما اخوك الصغير ينزل يصلي في المسجد وانت مش بتصلي؟؟

مش عيب عليك؟؟

لما مراتك تصلي وانت مبتصليش؟؟

مش عيب عليك؟؟

لما نتعامل مع ربنا بالمصالح؟؟
ايام الامتحانات
والازمات
والابتلاءات
ولما كان والدك في المستشفى
ولما كان ابنك مريض
ولما ولما ولما
سعتها بنفتكر الصلاة الصحيحة
وبنركز فيها 1000000% ونفضل نقول يارب يارب يارب من قلبنا

وينطبق علينا الاية
((وَإِذَا مَسَّ الإِنسَانَ الضُّرُّ دَعَانَا لِجَنبِهِ أَوْ قَاعِدًا أَوْ قَائِمًا فَلَمَّا كَشَفْنَا عَنْهُ ضُرَّهُ مَرَّ كَأَن لَّمْ يَدْعُنَا إِلَى ضُرٍّ مَّسَّهُ كَذَلِكَ زُيِّنَ لِلْمُسْرِفِينَ مَا كَانُواْ يَعْمَلُونَ ))

وكمان

((وَإِذَا مَسَّ الإِنسَانَ ضُرٌّ دَعَا رَبَّهُ مُنِيبًا إِلَيْهِ ثُمَّ إِذَا خَوَّلَهُ نِعْمَةً مِّنْهُ نَسِيَ مَا كَانَ يَدْعُو إِلَيْهِ مِن قَبْلُ وَجَعَلَ لِلَّهِ أَندَادًا لِّيُضِلَّ عَن سَبِيلِهِ قُلْ تَمَتَّعْ بِكُفْرِكَ قَلِيلاً إِنَّكَ مِنْ أَصْحَابِ النَّارِ))

وكمان دي

((وَإِذَا أَنْعَمْنَا عَلَى الإِنسَانِ أَعْرَضَ وَنَأَى بِجَانِبِهِ وَإِذَا مَسَّهُ الشَّرُّ فَذُو دُعَاءٍ عَرِيــــــــــــــــــــضٍ))

مش دي مصالح؟؟

لو محمود صاحبك
أو سوسن صاحبِتِك
عمل معاك الموقف ده

ايام الامتحانات تليفونات
وزيارات
وحبايب
علشان ياخد منك تلخيص مادة
أو علشان تشرحيلها حاجة


وبعد آآآآآآآآآآآآآآخر يوم من الامتحان
ولا بيسـأل فيك
ولا هي بتعَبَّرِك

ولو عدت جنب بيتك ولا حتى تبص على البيت

بزمتك لو جه السنة اللى بعدها في مصلحة هتديله؟؟
هتديلها؟؟

مش دي مصالح؟؟

ولله المثل الاعلى

نفس القصة الظهر بتاع اخر يوم في الامتحان
مش بنصليه علشان خلاص
الامتحانات خلصت

لدرجة ان في بعض الناس بيقولوا لبعض
مش هتخلص امتحانات امته
لا
بيقولوا هتبطل صلاة إمته؟؟


للدرجة دي بقي تعاملنا مع ربنا؟؟

((مَّا لَكُمْ لا تَرْجُونَ لِلَّهِ وَقَارًا ))؟؟؟؟

ليه بنعمل كده؟؟

وهو كل سنة بنرجعله ايام الامتحانات ونعمل نفس الموقف وبرضه بيقبلنا ومش بيعاملنا زي ما بنعامله


في كمان
لما بتكون في عربية
السواق لو شتمك أو شتم والدك أو والدتك

الدنيا تتقلب
وممكن توصل لدم وتروحوا القسم

لكن يسب الدين
عادي أنا مالي

إنت مالك؟؟!!!!؟؟
دينك دينك لحمك ودمك

لو عمرو دياب قال كلمة على تامر حسني

مليون جروب

مليون صفحة تتعمل

الهضبة يقول كذا

ومليون صفحة وجروب للدفاع عن تامر حسني

ولما نور الشريف اتمسك

والله اعلم باللي كان بيحصل

الدنيا اتقلبت ازاي؟؟
ده نور الشريـــــــــــــــــــــــــــــــــــــــــــــــــــــــف

ولما الرسول يتشتم
أو المسجد الاقصى يحصل فيه شئ
أو القرآن يتمزق

صم بكم عمي


مليش دعوة
والناس اللى بنلاقي بقهم قد كده علشان الهضبة أو تيمو أو نور الشريف

عمرنا مسمعناهم بيبكوا على الرسول ولا الاقصى وممكن ميعرفوش هو ايه اللى حصل في الاقصى اساسا


((ما لكم لا ترجون لله وقاراً))؟؟؟


لو ماتش بين الاهلي والزمالك

الماتش الساعة 8 بليل

الجمهور بيبدأ يروح من الساعة 1 الظهر

يقعد 7 ساعات في المدرجات علشان يتفرج على

الاهلي والزمالك

لكن لو الامام طول في الركعات في صلاة التراويح اللي هي لما بتطول قويييييييييييييييييي بتوصل ساعتين

الدنيا تقوم ولا تقعد
الامـــــــــــــــــــــــــــــــــــــــــــــام متشددددددددددد

ولما تروح تضيع 7 ساعات يضيع فيها الظهر والعصر والمغرب والعشاء محدش يكلمك


((ما لكم لا ترجون لله وقاراً))؟؟؟؟


دروس الانجلش والعربي والرياضيات والفلسفة
يتجاب فلوس من تحت الارض
نبيع اي شئ في البيت
نتداين للناس
نستلف
نعمل اي شئ

الواد لازم يتعلم

لكن درس تحفيظ القرآن كبيره جدا 20 جنيه في الشهر

20 جنيه؟!!!!!!!!!!!!!!!!!!!!!!!!!!!!!!!!!!!!!!!!!؟

وانا اجيب فلوس منين؟؟

وياريت ابنك او بنتك بينفعوا من الدروس اللي بياخدوها ولا بيرجعولك نص تمنها مفيش غير لما يوصلوا جامعة يحاولوا ينتسبوا لطبقة اكبر من طبقتك ولو قابلك في الشارع ممكن يتكسف يسلم عليك قدام صحابه
أو تتكسف هي تروحلك قدام صديقاتها


ونقول هو ايه اللى حصل في الدنيا؟؟


((ما لكم لا ترجون لله وقارا))؟؟


مش عيب لما مسلمين في اوروبا وامريكا بيصلوا وهما خايفيين في اي لحظة حد ياخدهم يعتقلهم

وبيقروا قرآن بأحكامه

وإحنا هنا معظمنا لا يجيد قرآءة الفاتحة صحيحة ويقول على الصاد سين وعلى الضاد دال ؟؟


ومساجدنا مفتوحة وبتصلي وانت مش خايف من حد وبرضه مش بتروحه الا يوم الجمعة ومن المسلمين أناس لا يدخلون المسجد الا على ظهورهم لا ليصلوا ولكن ليصلي عليهم


((ما لكم لا ترجون لله وقارا))؟؟


الاستاذ في الفصل
لالا
المدير في المدرسة
لالا
الدكتور في الجامعة
لالا
حاجة اكبر من كده
الوزير
لالا رئيس الجمهورية في العرض العسكري 2000 جندي واقفين في الشمس

لو بس اتحرك او بص بعينه شمال ولا يمين
((--------------------------))
لكن في الصلاة

بنجيب اللمبة بعنيننا
والراجل اللى قدامي لابس ايه
والشيخ لابس ايه وليه شعره مش متسرح؟؟
وامبارح كلنا ايه
وشربنا ايه لما كنا في المصيف السنة اللى قبل اللي فاتت؟؟
وفي المحاضرة الفلانية عملنا كذا؟؟


ولا نفوق الا عندما نسمع
((السلام عليكم ورحمة الله
السلام عليكم ورحمة الله))
ونسينا أو تناسينا ان ليس للمرء من صلاته الا ما عقل
وان الله يبسط وجهه للمصلي ما لم يلتفت
وان الالتفات في الصلاة اختلاس بياخده منك الشيطان في صلاتك

((ما لكم لا ترجون لله وقارا))؟؟




لو بنك بيقدم فايدة 1%

وانت حاطط 100 جنيه فيه

وبنك تاني بيقدم فايدة

27%

والمسافة وتكلفة الوصول للبنك التاني

10 جنيه رايح و10 جنيه جاي

هتاخد المسافة دي كلها علشان 7 جنيه



لكن لو اتقالك الصلاة في المسجد مش بـ 27 حسنة زيادة
لا
دي بـ 27 درجة زيادة

درجة مش حسنة
منزلة اعلى


تقول ياعم قول يارب انا تعبان
ولسه راجع من الشغل
و
و
و
والدين يسر
ويسروا ولا تعسروا


مكونتش تعبان وانت بتاخد المشوار ده كله علشان 7 جنيه اساسا ميكفوش انك تشتري بيهم لب؟؟


((ما لكم لا ترجون لله وقاراً))؟؟




لو بنت مش محجبة
في الجامعة حد كلمها الدنيا تتقلب

والحريــــــــــــــــــــــــــــــــــــــــــــــة
الديموقراطيـــــــــــــــــــــــــــــــــــــــة

لكن لو منتقبة
صم بكم عمي

أصلي النقاب مش فرض

يعني هو ان التانية تطلع بشعرها فرض؟؟

ايه اللى حصلنا؟؟

((ما لكم لا ترجون لله وقاراً))

لما يكون من كل شارع في 2 ولا 3 ولا عشرة ولا 50 من 450 واحد بيصلوا الفجر
والباقي نايـــــــــــــــــــــــــــــــــــــم ومنهم من ينام قبل الفجر بدقايق تسأله ليه

يقولك العمل عبادة ولازم ارتاح علشان اتق العمل


وبنقول ليه مش بننتصر؟؟

ما لكم لا ترجون لله وقاراً؟؟


ليه الدين بقي الشئ العادي اللى نضحي بيه؟؟؟



ليه لو في شئ ملوش لزمة الناس كلها تجري عليه ولما تلاقي حد بدأ كلامه بقول الحمد لله رب العالمين كله يقول الشيوخ هيبتدوا اهم؟؟؟



ليه يا جماعة وصلنا كده؟؟؟




الوقت لسه في ايدك
ابدأ بنفسك
حتى لو العالم كله بايظ حواليك

ابدأ بنفسك
أنا وانت اتنين
بكرة نكون اربعة

يلا نعمل شئ جديد

يلا نغير اللي بقينا فيه

يلا نرفع ديننا

يلا نصلي في المسجد

يلا نحفظ قرآن ونقراه وميتركنش ويتملي تراب

يلا نصل رحمنا

نغير حياتنا

ندخل البسمة على وجوه المسلمين اللى الزمن تعبهم دلوقتي


يلا من دلوقتي
ابدأ وقول أنا خلاص هتغير
أنا خلاص هبتدي اصلي
انا خلاص مش هرجع لحياتي اللي فاتت تاني



أنا هبقى مسلم وبحب ديني وهرفع رايته






خلي بالك لو قفلتها وربنا بيحبك
هيخليك في اللى انت فيه ده لحد متلاقي ناس كتيرة التزمت وعملت وحفظت وجاهدت في الله في الايام الصعبة وتيجي انت في الساهل وترجع وهنقبلك طبعا وعمرنا ما هنطلعك من وسطنا بس


((لا يَسْتَوِي مِنكُم مَّنْ أَنفَقَ مِن قَبْلِ الْفَتْحِ وَقَاتَلَ أُوْلَئِكَ أَعْظَمُ دَرَجَةً مِّنَ الَّذِينَ أَنفَقُوا مِن بَعْدُ وَقَاتَلُوا وَكُلا وَعَدَ اللَّهُ الْحُسْنَى وَاللَّهُ بِمَا تَعْمَلُونَ خَبِيرٌ ))

هيكون فاتك كتيـــــــــــــــــــــــــــــــــــــــــــــر

ده لو ربنا راضي عني وعنك

اما لو مش راضي فانا لله وانا اليه راجعون

============================
اعمل لدار البقاء رضوان خازنها ..... الجار احمد والرحمن بانيها

اعمل لدار البقاء رضوان خازنها ..... الجار احمد والرحمن بانيها


ارض لها ذهب والمسك طينتها ... والزعفران حشيش نابت فيها
انهارها لبن محض ومن عسل .. والخمر يجري رحيقا في مجاريها
والطير تجري على الاغصان عاكفة ..تسبح الله جهرا في مغانيها
من يشتري الدار بالفردوس يعمرها بركعه في ظلام الليل يخفيها
او سد جوعة مسكين بشبعته .. في يوم مسغبة عم الغلا فيها
النفس تطمع في الدنيا وقد علمت. ان السلامة منها ترك ما فيها
اموالنا لذوي الميراث نجمعها ..... ودارنا لخراب البوم نبنيها
لا دار للمرء بعد الموت يسكنها ... الا التي كان قبل الموت يبنيها
فمن بناها بخير طاب مسكنه ..... ومن بناها بشر خاب بانيها
والناس كالحب والدنيا رحى نصبت ...للعالمين وكف الموت يلهيها
فلا الاقامة تنجي النفس من تلف ...ولا الفرار من الاحداث ينجيها
تلك المنازل في الافاق خاوية ... اضحت خرابا وذاق الموت بانيها
اين الملوك التي عن حظها غفلت .حتى سقاها بكاس الموت ساقيها
افنى القرون وافنى كل ذي عمر ..كذلك الموت يفني كل ما فيها
نلهو ونامل امالا نسر بها ..... شريعة الموت تطوينا وتطويها
فاغرس اصول التقى ما دمت مقتدرا ..واعلم بانك بعد الموت لاقيها
تجني الثمار غدا في دار مكرمة ..... لا من فيها ولا التكدير ياتيها
الاذن والعين لم تسمع ولم تره .ولم يجر في قلوب الخلق ما فيها
فيالها من كرامات اذا حصلت ..... وياله من نفوس سوف تحويها ===========================

أنا مسلم مع تحياتي محمد تيسير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/profile.php?ref=profile&id=10280
ẲŁĵǾǿǾКŖ
©°¨°نائب المدير العام°¨°©
©°¨°نائب المدير العام°¨°©
avatar

المزاج :
دولتي : العراق
الهواية : 10
وضيفتي :
عدد المساهمات : 1743
تاريخ التسجيل : 10/12/2009
العمر : 24

مُساهمةموضوع: رد: الوقت ليس في يدك   الثلاثاء 19 يناير 2010, 4:36 pm

شكرا اخوي على المجهود الراءع

تقبل تحياتي اخوك

الجوكر


[ندعوك للتسجيل في المنتدى أو التعريف بنفسك لمعاينة هذه الصورة]*´¯`*.¸¸.*´¯`*[ندعوك للتسجيل في المنتدى أو التعريف بنفسك لمعاينة هذه الصورة]*´ تـ،ـوقـ~ـيعّّّّّّـ؛ـي `*[ندعوك للتسجيل في المنتدى أو التعريف بنفسك لمعاينة هذه الصورة]*´¯`*.¸¸.*´¯`*[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الجنرال
©°¨°عضو برونزي°¨°©
avatar

المزاج :
دولتي : العراق
الهواية : 2
وضيفتي :
عدد المساهمات : 981
تاريخ التسجيل : 21/01/2010
العمر : 25

مُساهمةموضوع: رد: الوقت ليس في يدك   الأحد 24 يناير 2010, 4:38 pm

شكرااااااااا.............موضوع ...........رائع جداااااااا...............والى الامام دومااااااااااااااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الوقت ليس في يدك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
~¤¦¦§¦¦¤~منتدى فرفشة ~¤¦¦§¦¦¤~  :: «®°·.¸.•°°·.¸.•°™ منتديات فرفشة الإسلامية™°·.¸.•°°·.¸.•°®» :: "| صور ـإسلاميهـ ~-
انتقل الى: